خطوات ملأ ملف الإنجاز 
أولا حضرتك هتدخل بالكود والرقم القومي والرقم السري على الرابط ده 
بعد الضغط يتم الضغط على شاشه لونها أخضر وهى صفحة فيها البيانات الخاصة بالمرشح للترقية وتحتها 10 أسئلة نضغط على كل سؤال هيفتح خانة بيضاء تحته نكتب فيها الحل ونعمل حفظ ونتأكد من الحفظ للسؤال وهكذا لكل سؤال لغاية مانوصل الإقرار نروح نعلم عليه قبول بعدها نضغط إرسال ملف الإنجاز للجهة المختصة للتقييم وده دور حضرتك كمعلم او اخصائى أو موجه على قانون 155 الكادر هنا دورك انتهى هتلاقى ملف الإنجاز تحت مكتوب 20% لأن لسه فيه تقييمات لملف الإنجاز بتاع حضرتك هيقيمك المدير تاخد 40% والموجه تاخد 60%و الإدارة التعليمية تاخد 80%وهتقدم إقرار المدة البينية وأخيرا اجتياز البرنامج التدريبى وبكدا يكتمل تقييم ملفك 100%
هنا حد هيسأل متى البرنامج التدريبى وميعاده ؟ كل ده هتعلن عنه لسه الأكاديمية المهنية للمعلمين فى إعلان تانى لاحق و هيكون فى الإدارات بإشراف الأكاديمية المهنية للمعلمين وازاى تحجز وتتدرب كل ده بعد شهر 8 فى إعلان آخر وقتها
دلوقتى سؤال تانى ازاى نحل ملف الانجاز؟ اولا ملف الانجاز اسئلة متعلقه بخبرات حضرتك داخل عملك سواء فى الفصل او المدرسة او الادارة حسب وظيفتك والدورات الحاصل عليها ومواقف قابلتك واتعاملت معاها ازاى وبالتالى الافضل كل واحد يحل حسب خبراته الشخصية اللى بتختلف من شخص لاخر
ومع ذلك انا جمعت لحضرتك اجابات لبعض الاسئلة ودى نماذج استرشادية استرشد بها اثناء الحل كالتالى
اول سؤال الدورات اللى حصلت عليها ؟
_____________________________________________
حضرتك هتكتب البرامج التدريبيه اللى خدتها واللى بالتأكيد بتختلف من معلم لاخر وازاى استخدمت البرامج دى مثلا icdl عمل برامج بوربوينت للماده وعرضها للمتعلمين او التعامل مع بنك المعرفه بالتفاعل مع المواد العلمية وتحميل الفيديوهات المرتبطه بالماده وعرضها للمتعلمين
برنامج المعلمون اولا لو خدته هتشرح انه تم تطبيق استراتيجيات حديثه مثل الشبكه العنكبوتيه ورسائل البريد او غيرها او طريقه حضرتك طبقتها وهكذا كل تدريب هتكتب طبقته ازاى داخل الفصل
ممكن تذكر دورات كالتالى
١-برنامج تطبيقات تربوية داخل الفصل
٢-برنامج الرخصة الدولية لقيادة الحاسب الالى
٣-التعلم من اجل المستقبل انتل
(برنامج استراتيجيات التعلم )
إجابة السؤال الثاني
____________________
قمت بتصميم مجسمات تعليمية
قمت بعمل مجلات حاىط ولوحات .
وذلك لتبسيط المنهج والتواصل الايسر مع الطلاب
إجابة السؤال الثالث
_________________
لو عملت اى زيارات لمدارس رحلات معسكرات دورات فى مدارس تانيه شاركت فى اى فعاليات مثلا
قمت بالمشاركة مع جمعيات خيرية لتنظيف الحى
قمت بتطوع فى عمل جدريات تتضمن قيم ومفاهيم وطنية
إجابة السؤال الرابع
____________________
هات مشكلتين داخل المدرسه او الفصل وساهمت فى حلهم حسب مدرستك سواء مشاكل خاصه بالمدرسه ككل او عجز فى ماده مثلا او نقص فى بعض الموارد والوسائل عدم وجود اثاث مدرسى وهكذا
(مشكلة التسرب المدرسي)
وقمت بالتواصل مع الطلاب الذين لاحظت تكرار غيابهم وتواصلت مع الاخصائى الاجتماعى لحل مشكلاتهم
(مشكلة الطلاب الضعاف)
قمت بحصرهم وعمل برنامج لهم من خلال استغلال اوقات الفراغ وحصص الاحتياطى
إجابة السؤال الخامس
اختار طالبين كان ليك معاهم تجارب فى تنميه مهاراتهم بتنفيذ نشاط معين او اداء مهمه معينه واكتب تجربتك معاهم
الطالبة (................../والطالبة...................)
وقد لاحظت حسن ادبهما والقدرة الذهنية المتفوقة لديهما وحرصهما على التعليم
وقد قمت بتشجيعهما من خلال مسابقات تنافسية داخل الفصل
إجابة السؤال السادس
______________________
حسب تخصصك ابحث عن كتاب من مكتبه المدرسه وانك استفدت من بعض المعلومات الوارده به فى ربطها بدرس معين وعرضتها امام التلاميذ
كتاب (علم النفس المدرسي)
وقد ساعدنى على حسن التعامل مع الطلاب
إجابة السؤال السابع
______________________
مشكله واجهتك وازاى اتغلبت عليها
(كثافة الفصول).
(وقلة الوسائل التعليمية ).
قمت باستخدام استراجية تعلم تعاونى لمواجهة كثافة الفصول
قمت بمشاركة الطلاب فى انشطة من البيئة لتوفير وسائل
إجابة السؤال الثامن
_________________
مثلا درس استخدمت فيه بنك المعرفه او الانترنت فى الاستعانه بفيديوهات تعليمية او صممت برامج باوربوينت وعرضتها لتلاميذك او صممت لوحات ذات تصميم معين وشاركت المتعلمين فى تصميمها وعرضها لدرس كذا او انك نزلت محتوى لدرس كذا من موقع تعليمى وعرضته للمتعلمين وتم عمل تقييم الكترونى
قمت بعمل نشاط جماعى من خلال استراجية لعب الادوار
بمشاركة التلاميذ وصممتها وصورتها بالهاتف لعرضها على اليوتيوب
إجابة السؤال التاسع
______________________
تتكلم ازاى دخلت على بنك المعرفه ونزلت محتوى لدرس بمادتك وازاى عرضته لتلاميذك واستفدت من المحتوى فى التحضير وعمل انشطه مرتبطه بالدرس حسب تخصصك
استخدام استراتيجات من خلال بنك المعرفة مثل استراجية تعلم تعاونى ولعبةالاداور وهدفها مشاركة الطلاب فى الحصة
إجابة السؤال العاشر
____________________
من خلال متابعتى لزملائى فى المادة او التخصص لاحظت احد زملائى قام بالتدريس بطريقه تدريس لم تجد استجابه من المتعلمين واستمر المعلم عليها حتى نهايه الحصه ونصحته انه يجب عليه اتخاذ قرار فورى بتغيير طريقه التدريس حاله وجود عدم تفاعل من قبل المتعلمين وعليه ان ينوع من الاستراتيجيات المستخدمه لمشاركه اكبر عدد من المتعلمين وتحقيق اكبر قدر من التعلم
لاحظت احدى الزميلات لا تجيد ادارة الصف نتيجة الكثافة وقمت بنصحها باستخدام التعلم النشط فى ادارة الصف
إقـــرار
:المعلم مسئول مسئولية كاملة عن إستيفاء بنود إستمارة ملف إنجاز المعلم إلكترونيا وبعد الإنتهاء والمراجعة يضغط على أيقونة حفظ وتسجيل ،
ويتحمل كافة الآثار المترتبة على عدم قيامه بذلك . والمعلم مسئول كذلك عن متابعة تنفيذ التقييمات إلكترونيا من خلال متابعة صفحته باستمرار ، حيث يتاح له إلكترونيا رؤية حركة تقييمات ملف الترقي الخاص به .
دلوقتى هننوه لحاجة
بالنسبة لـ الجزء الخاص بالمدرسة هو تقييم المديرين والموجهين وتسجيل استمارة استيفاء المدة البينية من هنااااااا برقم الكود والرقم السري للمدرسة دي مع مسئول التطوير أو الحكومة الإلكترونية هيدخل علي الرابط داا ودى خلاص مش مسئوليتك كل واحد عارف دوره
خارج الموضوع تحويل الاكوادإخفاء الابتساماتإخفاء